新春賀語生成器

嚟到農曆新年，又係四出拜年𢭃利是嘅時候嗱。𢭃利是最強嘅武器當然係一把口齒伶俐嘅嘴，而賀語就係你嘅彈藥，講多幾句好聽嘅賀語，氹得你嘅目標財主開開心心，自然提升對方派大封啲利是畀你嘅機會。

但可惜你天生內斂，出親聲就開口夾著脷，講嚟講去都係得嗰兩句賀語？放心，我地依個「新春賀語生成器」幫到你。

只要輸入你目標𢭃利是對像嘅幾項簡單資料，我地嘅「新春賀語生成器」就會幫你度身訂做一句新春賀語畀對方，保證你一矢中的，直中對方要害，啊，係對方唧心意先啱。快啲嚟試吓啦，利是齊齊𢭃，祝你𢭃到盤滿缽滿！

* 每個選項組合只產生一句賀語，如想要多啲賀語，試吓唔同嘅組合啦。